KAZENERGY қауымдастығының атынан Еуразия энергетикасындағы ең ірі оқиғаның бірі – Kazakhstan Energy Week – 2023 / XV KAZENERGY Еуразиялық Форумының қатысушылары мен қонақтарына сәлемімді жолдаймын.

2023 жылы Үкіметіміздің қолдауымен KAZENERGY қауымдастығы дәстүрлі түрде ұйымдастыратын осы ауқымды іс-шара жаңа теңдесі жоқ сын-қатер жағдайларында өтетін болады. Бүгінгі күні энергия ресурстарының қолжетімділігі, энергетика қауіпсіздігімен қамтамасыз ету және энергия болашағы мәселелері алдынғы жоспарға шығып қана қоймай, тұрақты даму үшін бізден табанды іс-қимылдарды да талап етеді.

Өткен кезең бір жағынан, бүкіл әлемнің энергия көздеріне тәуелді екенін, екінші жағынан, елдердің кез келген, тіпті ең қауіпті сын-қатерлерге қарсы тұруға және ұлттық даму стратегияларын ілгерілетуге дайындығын көрсетті. Біз халықаралық кооперацияда ғана болашақ ұрпақ үшін тұрақты және қауіпсіз энергетикалық қауіпсіздікті қамтамасыз ете аламыз.

Астана қаласында мерейтойлық форум алаңында ұлттық энергетика корпорациялар мен жетекші халықаралық салалық ұйымдардың көшбасшылары жаңа шынайылықтағы энергетиканы қалыптастастыру принциптерін, белгісіздіктен тұрақтылыққа көшуді, өңірлік және дүниежүзілік энергетиканы дамытудың жаңа тетіктерін шығаруда Қазақстанның әлеуетін іске асыруды талқылайтын болады.

KAZENERGY Ұлттық энергетика баяндамасы 6-басылымының презентациясы, көмірсутекті экономика перспективалары, инвестициялық ынтымақтастық, жасыл қаржы жөніндегі стратегиялық сессиялар, мұнай-газ және химия салаларын дамыту, энергетика қауіпсіздігі, озық технологиялар және энергетика үшін ІТ-шешімдер, ЖЭК және көміртекті бейтараптылыққа қол жеткізу мәселелері жөніндегі интерактивті сессиялар Kazakhstan Energy Week – 2023 форумының барынша маңызды оқиғаларына айналады.

Kazakhstan Energy Week / KAZENERGY Еуразиялық Форумы ынтымақтастықты орнатуға арналған ауқымды дискуссиялар үшін бірегей және ыңғайлы алаңға айнала отырып, көптеген жылдар бойы дамып және нығайып келеді. Бүгінгі таңда бұл жоба – өзгерудің эпицентрінде орналасқан бүкіл Еуразияның геосаяси драйвері. Өңірлік нарықты біріктіре отырып, өзара сенімділікке негізделе отырып, жаңа бастамаларды алға шығара отырып, ол барлық өңірдің болашақ энергетикалық дамуы үшін бағыт береді.

Форум қатысушылары ҚР Президенті Қ.К.Тоқаев жария еткен көміртексіздендіру, парниктік газ шығарындыларын төмендету, энергетикалық қауіпсіздікті және тұрақты дамуды қамтамасыз ету бойынша Қазақстанның өршіл мақсаттарына қол жеткізуі үшін тиімді шешімдер шығаратындығына сенімдімін.  Ең беделді халықаралық энергетика ұйымдарымен орныққан көпжылдық әріптестігіміз олардың тиімді іске асырылуына ықпалын тигізеді.

Біздің жобамызды қолдағандардың барлығына алғысымыз шексіз және мүдделі тараптар арасында тиімді жұмыс жасау, тәжірибе алмасу және іскерлік қарым-қатынас орнату үшін барынша жақсы жағдай жасауға дайынбыз.

Барлық қатысушылар мен қонақтарға Еуразия өңірінің басты энергетикалық алаңында нәтижелі дискуссиялар мен табысты ынтымақтастық орнатуды тілеймін!

Ізгі ниетпен,
KAZENERGY қауымдастығының Төрағасы
Тимур Құлыбаев